بژێر گەنجۆ
زووتر ژ خەملینێ
چەمێ مە دەست دا بڕینێ
درەنگتر ژ بەهینێ
وەرزێ عەشقا مە ڕابوو
چو درەنگ و چو زوو
هات و چوو
تنێبوون د فەرهەنگا عەشقێدا پیرۆزترین وەلات ما
ئەوا مەزن هندی ژانێ
ئەوا بچووک هندی ژیانێ
کیژ دەردە دەرمان هەر ئەو؟!
هەر تشت خەملاند ڕەش
هەر تشت
و
ە
ر
یـ
ا
خەون
درەنگتر ژ هشیاربوونێ
خەوا مە دەست دا ڕەڤینێ
زووتر ژ چاڤ گرتنێ
وەرزێ خەونێ دەستپێکر
زوو و درەنگ
هەمی ڕەنگ مانە بێدەنگ
ڕەش د وەلاتێ بێزمانیێدا بهێزترین پێکهات ما
ئەوا مەزن هندی بارانێ
ئەوا بچووک هندی عەسمانی
ئەو کیژ عەورە هند توفان و هند ساهی؟!
هەر بەر درەو/ هەر بەر وەهم
نەدرەنگ و نەزوو
نەنێزیک و نەدوور
ئێدی نەهات و نەچوو
وەکی مرنێ
سپی ڕەنگێ چاڤگرتنێ ما
وەکی زهایمەرێ
ئاشۆپ حەلیا
خەون بەهی
عەشق ل جادەیا پێکەنینێ پێخاس گەڕییا
٠٢/٠٧/٢٠٢٤
