ڕزگار سوبحی
مرۆڤ ژ خوه دهێت و دزڤڕیت خوه
چیرۆكهك نینه ژ چو تشتان، چ تشت چیرۆكهك نینه ژ وی
خهریببوونهكه ژ ههمی تشتان، ههمی تشت خهریببوونهكه ژ وی!
مرۆڤ ل داوی وهستیان ب چانتهیهك یادگاران ڤه
ل كوژیهكی ب تهنێ دمینیت و
سهرێ خوه ب سهرێ وان رۆژا ڤهدنیت
ئهوێن كو وهك یادگار بۆ ماین!
مرۆڤ تا وی ڕادهی دوهستیێت
تژی گری دبیت، گریا ژدهستدانا ههر تشتی
هن جاران ژی دچیت بیرههیێن خوه و
ب چاڤێ لێبۆكهكی تێر ب خوه دكهنیت
مرۆڤ ب هیڤی ڤه پهنجهران دگریت
چو ناهێت گوهۆرین، گوهۆرینا ڕهنگان نهبیت
ب هیڤی ڤه پهڕان ڤهددهت
چو ناهێت گوهۆرین، گوهۆرینا پهیڤان نهبیت!
مرۆڤ ب ههمی كلیلێن خوه ڤه دمینیت گرتی
ب ههمی دهرگههان ڤه تشتهك ناهێت ژۆر
مرۆڤ هندهك جارا د یێن دی دا دگهریێت و
حهز دكهت هندهك ژ وان بیت
مرۆڤ
هندهك جارا حهز ژ ئازاردانا خوه دكهت
ب بێدهنگی د خوه دا
كا دێ گوهـ ل دهنگێ خوه یێ كیژان چاخی بیت؟
مرۆڤ ب دهنگهكی دچیت لایێ دی یێ كهونی و دزڤڕیت
مرۆڤ ب گڕنژینهكێ تێرا تهمهنهكی دگریێت
مرۆڤ ههكو ل خوهیێ بلند ژۆردا دنێڕیت خوهیێ نزم
پۆشمانێ یهكهم بزاڤا بلندبوونێ یه
ههروهكی كو بلندبوون خهریببوونهك بیت بۆ نزماتیێ!
ل داوی قهدهحا لێڤێن خوهپهرستیێ
پۆشمانێ یهكهم ماچا ئهڤینیێ یه
ههروهكی كو ئهڤینی دزینا مرۆڤی بیت ژ وی!
مرۆڤ خوه ب گهلهك تشتان ڤه دهێلیت
ب گهلهك پهنجهران ڤه، ب گهلهك لاپهڕان ڤـه
مرۆڤ
ئهوێ دهنگێ وی نهچیت جهێ وی دڤێت
بۆ نموونه، دلهكێ دی!
شوینتبلێن گهلهك تشتا ل وی ههنه
پهنجهر دشێن گهلهك تشتا بینن بیرا وی
بۆ نموونه، ههكو یێ خهمگین بهرامبهر چوونا یێن دی
مرۆڤ دێ ل جههكی ڤهمریت
وهكی ههمی شهمالكێن رۆژبوونا
وهكی ههمی تشتێن ب ڤیان و نهڤیان ڤهمراندین
نهخێر..مرن نینه
ههر مرۆڤه ژ وهستیان و برینا خوه پف دكهته خوه
ههر مرۆڤه خهریبێ یادگارهجیهانا خوه، پف دكهت خوه
ههر مرۆڤه ل دویڤ دهنگهكی ژ ڤێ جیهانێ دچیت
دهنگهكێ ژ ڤێ جیهانێ نهێنیتر
مرۆڤ دێ ل جههكی بدوماهی هێت
ئهو نامریت، نهخێر
تهنێ
دزڤڕیته خوه!
